Ukrajinska tajna služba, kako tvrdi istraživanje Bilda, u nedjelju je pokušala da ubije ruskog predsjednika Vladimira Putina dronom kamikaza.

Iako je pokušaj atentata propao, ruske vlasti taj pokušaj drže u tajnosti.

Dron UJ-22 poletio je u Ukrajini u nedjelju popodne i to je, kako je prenio pisanje Bilda i Nove list Blic, najmoderniji ukrajinski dron srednjeg dometa do 800 kilometara. Njihov cilj bio je navodno novoizgrađeni industrijski park u blizini Moskve, koji se nalazi i na 500 kilometara od Ukrajine.

Ukrajinski aktivista Jurij Romanenko, za kojeg se tvrdi da ima bliske veze s kijevskim obavještajnim službama, navodno je rekao da su “prošle nedjelje obavještajci dobili informacije o Putinovom putovanju u industrijski park Rudnevo. U skladu s tim, poletio je naš dron kamikaza, koji je proletio kroz svu protivzračnu odbranu Ruske Federacije i srušio se nedaleko od industrijskog parka“.

The lawn was painted green in preparation for the arrival of #Putin in Moscow's Rudnyovo industrial park.#RussiaIsCollapsing#RussiaIsATerroristState pic.twitter.com/NrlmPVo9dE

— Sonja Eftimovska (@sonjaeftimovska) April 23, 2023

I zaista je nekoliko ruskih medija izvijestilo padu drona UJ-22 u blizini sela Voroskogo, istočno od Moskve. Mjesto nesreće je oko 20 kilometara istočno od industrijskog parka Rudnevo.

Snimci pokazuju da je na dronu bilo 30 eksplozivnih blokova C4 ukupne težine 17 kilograma. Eksplozivna punjenja tipa M112 koriste, između ostalih, američka vojska i oružane snage Kanade.

Putinov lični dopisnik Kremlja Pavel Zarubin rekao je u nedjelju ujutru da predsjednik planira “da posjeti industrijski park u Moskvi”. Kada je ta posjeta trebalo da bude, nije rekao.

Ruski prolaznici su u nedjelju popodne objavili fotografije iz industrijskog parka Rudnevo, na kojima se vidi sivi travnjak ispred glavne zgrade koji je bio poprskan zelenom bojom, piše Bild.

Međutim, nejasno je da li je šef ruske države želio da posjeti industrijski park u nedjelju ili tek u ponedjeljak – iz bezbjednosnih razloga, Putinove posjete se ponekad obavljaju i dan prije nego što budu najavljene. Takođe, vrlo je moguće da je spominjanje njegovog dvojnika upravo još jedan vid zaštite bezbjednosti.

Ukrajina stoga nije mogla da utvrdi termin posjete: da li će se održati “početkom nedjelje”, u nedjelju ili ponedjeljak.

Očigledno Putin nije bio tamo. Portparol Kremlja Dmitrij Pijeskov rekao je u ponedjeljak: “Ruski predsjednik Vladimir Putin radi u Kremlju. Šef države ne planira nikakve veće javne događaje”.

Izvor: Blic / Foto: Screenshot